Varbado por Esperanto povas okazi alimaniere, ĉu ne?
Samtempe ekflugis gasbalonoj kun la surskriboj en la lingvoj angla, germana, pola kaj Esperanto "Kontraŭ rasismo".
Krom Herzberg partoprenis la ĝemelurboj de Osterode am Harz: Ostroda en Pollando, Scarborough en Britio kaj ĝemelurbo de Herzberg am Harz: Góra en Pollando. En Herzberg kaj Góra la Esperanto-kluboj, geamikoj helpis kunordigi la farendaĵojn por tiu tago de la projekto "Vielfalt tut gut" (bunteco bonas), kiun iniciatis la germana Ministerio por Familio, Maljunuloj, Virinoj kaj Junularo. La tagan buntan programon riĉigis muziko, dancoj, ekspozicio, kuirado, sporto, ludoj, informbudoj. La ĉefa atrakcio tamen estis la samtempa ekflugigo de po 500 gasbalonoj el la partneraj urboj de tri landoj, simbole al solidareco, kunlaboro, alvoko kontraŭ rasismo kaj al interpopola kompreniĝo. La multkoloraj balonoj havis surskribojn en la pola, angla, germana kaj plej grandlitere en Esperanto.
Vi trovas multajn fotojn pri la unika internacia inform- kaj varbagado ĉe http://esperanto-urbo.de
Amike salutas, Peter Zilvar kaj Zsofia Korody